Rama chakkani
ఉడుత వీపున వేలు విడిచిన పుడమి అల్లుడు రాముడే
Movie : Godavari
Music: KM Radhakrishnan
నీల గగనా ఘనవిచలనా ధరణిజా శ్రీ రమణ
మధుర వదనా నళిన నయనా మనవి వినరా రామా
రామ చక్కని సీతకి అరచేత గోరింట
ఇంత చక్కని చుక్కకి ఇంకెవరు మొగుడంట
రామ చక్కని సీతకి...
ఎడమ చేతను శివుని విల్లును ఎత్తిన రాముడే
ఎత్తగలడా సీత జడను తాళి కట్టే వేళలో
రామ చక్కని సీతకి...
ఎర్ర జాబిలి చేయి గిల్లి రాముడేడని అడుగుతుంటే
చూడలేదని పెదవి చెప్పే చెప్పలేమని కనులు చెప్పే
నల్లపూసైనాడు దేవుడు నల్లని రఘురాముడు
రామ చక్కని సీతకి...
చుక్కనడిగా దిక్కునడిగా చెమ్మగిల్లిన చూపునడిగా
నీరు పొంగిన కనులలోన నీటి తెరలే అడ్డునిలిచే
చూసుకోమని మనసు తెలిపే ..మనసు మాటలు కాదుగా..
రామ చక్కని సీతకి అరచేత గోరింట
ఇంత చక్కని చుక్కకి ఇంకెవరు మొగుడంట
రామ చక్కని సీతకి...
ఇందువదనా కుందరదనా మందగమనా భామా
ఎందువలన ఇందువదన ఇంత మథనా ప్రేమ?
ఇంతకీ ఈ పాట నాకు ఎందుకబ్బా ఇష్టం?సాహిత్యం వల్లనా లేక సంగీతం బాగుంది అనా లేక?