తెలవారదేమో ..

కె.విశ్వనాథ్ గారి సినిమాల్లో ఉన్న ఆణిముత్యాల్లాంటి పాటల్లో ఒక ఆణిముత్యం.
బహుశా తరుచూ విశ్వనాథ్ గారు సినిమాల్లో కీర్తనలు పెడుతూ ఉండటం వల్ల చాలా మంది నా లాంటి అఙ్ఞానులు కొంతకాలం పాటు ఈ పాట కూడా ఏదో కీర్తన కాబోలు అనుకుని ఉంటారు. కాని సిరివెన్నెల సీతారామశాస్త్రి గారు ఈ పాట వ్రాసారు అని తెలిసి అవాక్కయ్యాను నేను.శాస్త్రిగారు ఇటువంటి పాటలు రాసిన కాలం లో మనం కూడా ఉండటమే అదృష్టం కింద భావించాలి.ఆస్వాదించడమే తప్ప ఆయన ప్రతిభను పొగిడేందుకు కూడా తగిన అర్హత కానీ ఙ్ఞానం కాని లేదు.

విశ్వనాథ్ గారు ఎంత అద్భుతం గా చిత్రీకరించారు ఈ పాటలోని ఆ ముందు lines ని.
సుమలత గారు కూడా చాల సున్నితం గా అభినయించారు.
అసలు కీర్తనల వంటి పాటలని కూడా ఇంత అద్భుతంగా సున్నితంగా ఆయన తప్ప ఇంకెవరూ తెరకెక్కించలేరేమో అంటే అతిసయోక్తి కాదేమో.

తెలవారదేమో స్వామీ...నీ తలపుల మునుకలో..